«Ювентус» ҳужумчиси Криштиану Роналду «Кротоне»га қарши кечган Италия чемпионатининг 23-тур учрашувидаги ғалабага муносабат билдирди. Эслатиб ўтамиз, Учрашув Туриндаги «Альянс-Ювентус» стадионида бўлиб ўтди ва мезбонларнинг 3: 0 ҳисобидаги ғалабаси билан якунланди. Португалиялик форвард ушбу учрашувда дубл қайд этди.

“Муҳим ғалаба! Ўз ҳиссамни қўшганимдан хурсандман! Давом этамиз, йигитлар”! - деб ёзди Роналду ўзининг Инстаграм саҳифасида.

Маълумот учун, Туриннинг “Ювентус” клуби мазкур ғалабадан кейин очколари сонини 45 тага етказиб, Италия А Сериясининг 2020/2021 йилги мавсум турнир жадвалида 3-ўринга кўтарилиб олди. “Кротоне” эса  (12) - охирги, 20-ўринда бормоқда. Мусобақа етакчиси Миланнинг “Интер” клубида 53 очко мавжуд.

Италия чемпионатининг навбатдаги турида “Ювентус” ”Верона” билан, “Кротоне” эса “Каляри" билан ўйин ўтказади.

Манба: interfutbol.uz