Хабарларга кўра, «Ювентус» раҳбарияти Дибала билан яқин вақт ичида шартномани узайтириш масаласини муҳокама қилади.

Шунингдек, «Ювентус» молиявий директори Фабио Паратичи ҳужумчи Пауло Дибаланинг соғлиги ҳақида гапирди.

Эслатиб ўтамиз, Дибала кеча А Серия 17-турининг «Сассуоло» га қарши ўйинида (3: 1) жароҳат олган эди. У биринчи бўлим охирида майдонни тарк этди. Кейинчалик Дибалага тиззасидан жароҳат етказилганлиги маълум бўлди.

«Паулода ҳали ҳам баъзи муаммолар мавжуд. Баъзи кунлари у ўзини яхши ҳис қилади, баъзида эса ёмонроқ. Шартномани узайтиришга келсак, биз яқин кунларда музокараларни бошлаймиз», - дея Паратичининг сўзларини келтирмоқда Sky Sport Italia.

Маълумот учун, Дибала 2015 йилда «Палермо» дан «Ювентус» га ўтган эди. Ушбу мавсумда 27 ёшли аргентиналик футболчи Италия чемпионатининг 11 учрашувида қатнашиб 2 гол урди ва 2 голга узатма берди.

Манба: interfutbol.uz