«Реал» ҳужумчиси Винисиус Жуниор ҳар доим Испания клубида ўйнашни хоҳлашини тан олди.

“Флорентино Перес ҳар доим менга энг катта мухлисим эканлигини айтади. Бу менга катта ишонч бағишлайди. Мен доим «Реал» да ўйнашни хоҳлайман. Ҳар доим энг яхши клубга киришни мақсад қилганман. Мен 20 ёшдаман ва бу менинг фаолиятимнинг бошланиши. «Реал» да ўйнаш катта масъулият, аммо мен бу жамоа учун кўп нарсага тайёрман”, - дея Винисиуснинг сўзларини келтиради Mundo Deportivo TNT Sports нашрига таяниб.

Маълумот учун, Винисиус “Реал” сафига 2018 йилнинг ёзида “Фламенго"дан келиб қўшилган эди. Бу мавсумда 20 ёшли ҳужумчи Испания чемпионатининг 17 учрашувида қатнашиб 2 гол урди ва битта самарали узатмани амалга оширди.

Манба: interfutbol.uz