«Ювентус» нинг португалиялик ҳужумчиси, 36 ёшли Криштиану Роналду Италия чемпионатининг 25-турида туринликларнинг «Специя» га қарши учрашувда киритган голи гол эвазига тарихий ютуқ эгасига айланди. Бу ҳақда Opta Paolo нашри хабар берди.

Манбанинг хабарига кўра, Криштиану Роналду Европанинг энг яхши 5 лигасида сўнгги 12 мавсумнинг ҳар бирида 20 дан ортиқ гол урган биринчи футболчи.

Италия чемпионатининг жорий мавсумида 36 ёшли португалияликнинг ҳисобида 21 учрашувда роппа-роса 20 та гол ва 2 та голли узатма бор. Умуман, у ушбу мавсумда 30та ўйин ўтказиб 27та гол урди ва 3та голли узатмани амалга оширди.

Эслатиб ўтамиз, Роналдунинг “Ювентус” билан тузилган шартномаси 2022 йил 30 июнгача амал қилади ва трансфер қиймати 60 миллион еврога баҳоланмоқда.

Манба: interfutbol.uz